17 փետրվարի 2018 - 11:04 AMT
Քարդաշյանը վաճառում է զգեստների մի մասը բարեգործական նպատակով

Ամերիկահայ հեռուստաաստղ և «Քարդաշյանների ընտանիքը» ռեալիթի շոուի մասնակից Քիմ Քարդաշյանը հայտարարել է, որ մտադիր է փոխել իր ոճը՝ հետևելով ամուսնու, հայտնի ռեփեր Քանյե Ուեսթի, խորհուրդներին:

Այն հագուստն ու աքսեսուարները, որոնք չեն համապատասխանում նոր ոճին, աստղը մտադիր է վաճառել eBay-ում բարեգործական նպատակով, Auction Cause գործակալության հետ համատեղ, գրում է Lenta.ru-ն:

Ընդհանուր առմամբ նախատեսվում է 200 իր վաճառել, այդ թվում բիկինիներ, ջինսե կիսատաբատներ, մարմնագույն կոմբինեզոնը, բարձրակրունկ սանդալները, Քանյե Ուեսթի շրջագայություններից մարզաշապիկներ և մանկական հագուստ:

Օրինակ, Alexander McQueen ապրանքանիշի ամառային կոշիկների մեկնարկային գինը 12 դոլար է, իսկ ջինսե կիսատաբատինը՝ 1 դոլար:

Հասույթի 10 տոկոսը Քարդաշյանը կփոխանցի Լոս Անջելեսի Children's Hospital մանկական հիվանդանոցին: