Փետրվարի 19-ի կեսօրից հետո տեղումները հանրապետության տարածքում աստիճանաբար կդադարեն: Այդ մասին իր ֆեյսբուքյան էջում հայտնել է ՀՀ ԱԻՆ Հիդրոմետ ծառայության օդերևութաբանության կենտրոնի պետ Գագիկ Սուրենյանը։ Նա հավելել է, որ փետրվարի 20-24-ը սպասվում է առանց տեղումների եղանակ։

«Փետրվարի 20-ի ցերեկվանից սկսած մինչև 24-ը ներառյալ եղանակը հանրապետության ողջ տարածքում փետրվարի 19-ի համեմատ աստիճանաբար կտաքանա 5-6 աստիճանով»,-ասվում է գրառման մեջ։

Ըստ ԱԻՆ հաղորդագրության, փետրվարի 19-ի ցերեկը ժամանակ առ ժամանակ սպասվում են տեղումներ, լեռնային և նախալեռնային գոտիներում` թաց ձյան և հովտային գոտիներում՝ անձրևի տեսքով։ 19-ի երեկոյան ժամերից կդիտվի տեղումների դադար։ 20-24-ը սպասվում է առանց տեղումների եղանակ:

Քամին՝ հարավ-արևմտյան՝ 3-8 մ/վ արագությամբ: Օդի ջերմաստիճանը փետրվարի 20-ի գիշերը կնվազի 4-5 աստիճանով, 20-ի ցերեկը, 21-24-ն աստիճանաբար կբարձրանա ևս 5-6 աստիճանով: