ԱՄՆ Գլենդեյլ քաղաքի պողոտաներից մեկի մի հատվածը կվերանվանվի Արցախի պատվին: Այդ մասին ասվում է Ամերիկայի Հայ դատի հանձնախմբի ֆեյսբուքյան էջում:
Համապատասխան որոշումը միաձայն կայացվել է Գլենդեյլի քաղխորհրդի նիստում:
«Գլենդեյլի քաղաքային խորհուրդը միաձայն կողմ է քվեարկել Մերիլենդ ավենյուի Ուիլսոնի և Հարվարդի փողոցների միջև ընկած հատվածը Արցախի Հանրապետության պատվին Արցախի փողոց վերանվանելու գործընթաց սկսելու օգտին»,-ասվում է ֆեյսբուքյան գրառման մեջ: