Հրայր Թովմասյանն ընտրվել է Սահմանադրական դատարանի նախագահ Ազգային ժողովում փակ գաղտնի քվեարկությամբ: Թովմասյանի թեկնածությունն այդ պաշտոնում առաջադրել էր ԱԺ նախագահ Արա Բաբլոյանը:
Նրա թեկնածությանը կողմ է քվեարկել է 64 պատգամավոր, դեմ՝ 27-ը:
Ընտրության արդյունքների հրապարակումից հետո Թովմասյանը շնորհակալություն է հայտնել բոլորին վստահության համար։ «Վստահեցնում եմ, որ ամեն ինչ կանեմ, որ մեր ազգը լինի ազատ ու երջանիկ», - հայտարարել է Թովմասյանը։
2018-ի մարտի 2-ին Աժ պատգամավոր Հրայր Թովմասյանն ընտրվել էր սահմանադրական դատարանի անդամ: «Ստանձնելով ՍԴ անդամի պաշտոնը՝ ժողովրդի առաջ երդվում եմ ապահովել Սահմանադրության գերակայություն, լինել անաչառ»,- ասել էր Թովմասյանը։
«Ես այս պահին հայտարարում եմ, որ վերջակետ եմ դնում իմ՝ որպես քաղաքական գործիչ կարիերային, որքան էլ, որ դա ցավալի լինի», - Ազգային ժողովում հայտարարել է Հանրապետական խմբակցության պատգամավոր Հրայր Թովմասյանը:
