Կառավարությունը մարտի 22-ի նիստում հավանություն է տվել Հայաստանի և Եվրոպական միությանՀամապարփակ և ընդլայնված գործընկերությանհամաձայնագիրը վավերացնելումասին օրենքի նախագծին։ Նախագիծը ներկայացվել է Ազգային ժողովի վավերացմանը։

Հավանության է արժանացել նաև Ատոմային էներգիայի եվրոպական համայնքի ու անդամ պետությունների միջև ստորագրված համաձայնագրի վավերացումը:

Հայաստանի և Եվրամիության միջև Համապարփակ և ընդլայնված գործընկերության համաձայնագիրը ստորագրվել է 2017-ի նոյեմբերի 24-ին Բրյուսելում, Արևելյան գործընկերության գագաթնաժողովի շրջանակում:

ՀՀ արտաքին քաղաքական գերատեսչության ղեկավարը փաստաթղթի ստորագրումից հետո հայտարարել էր. «Համաձայնագիրը նոր խթան կհանդիսանա ժողովրդավարական հաստատությունների, մարդու իրավունքների, օրենքի գերակայության ամրապնդման ուղղությամբ Հայաստանում ընթացող բարեփոխումների համար:Հայաստանը պատրաստակամ է այսուհետ ևս զարգացնել և ամրապնդել Եվրամիության հետ համապարփակ համագործակցությունը երկկողմ հետաքրքրություն ներկայացնող բոլոր բնագավառներում` հիմնվելով այս համաձայնագրի վրա։ Հավատացած ենք, որ նախորդ տարիներին մեր ունեցած ձեռքբերումները կուռ հիմք են հանդիսանում՝ շարունակելու ու առավել ընդլայնելու մեր գործընկերությունը և, անշուշտ, այս նոր համաձայնագիրը մեր հարաբերությունները կբարձրացնի որակական նոր մակարդակի»։