Գեներալ-լեյտենանտ Հայկազ Բաղմանյանը նշանակվել է Հավաքական անվտանգության պայմանագրի կազմակերպության՝ ՀԱՊԿ միացյալ շտաբի պետի տեղակալ։ ՀՀ նախագահ Սերժ Սարգսյանը ստորագրել է հրամանագիրը:
«Ղեկավարվելով 2005-ի փոփոխություններով ՀՀ Սահմանադրության 55-րդ հոդվածի 12-րդ կետով և հիմք ընդունելով «Զինվորական ծառայության և զինծառայողի կարգավիճակի մասին» ՀՀ օրենքի 33-րդ հոդվածի 4-րդ և 35-րդ հոդվածի 2-րդ մասերը` որոշում եմ. գեներալ-լեյտենանտ Հայկազ Բաղմանյաին նշանակել Հավաքական անվտանգության պայմանագրի կազմակերպության միացյալ շտաբի պետի տեղակալ», - ասված է նախագահի հրամանագրում։
Կնքվել է զինվորական ծառայություն անցնելու մասին նոր պայմանագիր` 3 տարի ժամկետով:
Գեներալ-լեյտենանտ Հայկազ Բաղմանյանը 2017-ի դեկտեմբերին ազատվել էր ՀՀ Զինված ուժերի գլխավոր շտաբի պետի տեղակալի պաշտոնից: Պաշտպանության նախարար Վիգեն Սարգսյանն ավելի վաղ հայտարարել էր, որ Բաղմանյանը պաշտոնից ազատվելու զեկուցագիր էր ներկայացրել` Սարգսյանի հորդորով: Նախարարի խոսքերով, պատճառն աշխատանքային պայմանավորվածությունները չկատարելն էր:
