ՀՀ պաշտպանության նախարարի մամուլի քարտուղար Արծրուն Հովհաննիսյանը տեսանյութ է հրապարակել, որտեղ երևում է՝ ինչպես են հունիսի 7-ին մի խումբ ադրբեջանցի քաղաքացիականներ ՀՀ ԶՈւ հրամանատարության թույլտվությամբ մոտեցել Գյուննութ ավերակ բնակավայրի հարավային արվարձանի գերեզմանատեղիներին:
Ադրբեջանական կողմը դիմել էր ՀՀ ԶՈւ հրամանատարությանը՝ խնդրելով թույլատրել որոշ քաղաքացիների մոտենալ ավերակ բնակավայրի գերեզմանատեղիներին։
Ավելի վաղ, ադրբեջանական ԶԼՄ-ներն ապատեղակատվություն էին տարածել, թե իբրև ադրբեջանցիները «վերադարձել են մայիսին Ադրբեջանի ԶՈւ-ի կողմից ազատագրված» Գյուննութ բնակավայր: