ՀՀ երրորդ նախագահ Սերժ Սարգսյանի եղբորորդի Հայկ Ալեքսանդրի Սարգսյանը 50 մլն դրամ գրավի դիմաց ազատ է արձակվել, հայտնում է «Հայկական ժամանակ» օրաթերթը:
Նախորդ նիստին պաշտպանական կողմը նշել էր, որ Սարգսյանին կալանքի տակ պահելու հիմքեր չկան, և որ վերջինս ունի առողջական խնդիրներ:
Մեղադրող դատախազը սակայն պնդել էր հակառակը՝ նշելով, որ Սարգսյանը դեռևս տարիներ առաջ ճնշում է գործադրել գործով տուժողի, ինչպես նաև վկաների վրա:
Հայկ Սարգսյանը մեղադրվում է 11 տարի առաջ տեղի ունեցած հանցագործության համար՝ սպանության փորձի և ապօրինի կերպով զենք-զինամթերք պահելու համար: Առաջադրված մեղադրանքում նա իրեն մեղավոր չի ճանաչում: