Նոյեմբերի 5-11-ը Հայաստանում 78 ճանապարհատրանսպորտային պատահար (ՃՏՊ) է տեղի ունեցել, որի հետևանքով զոհվել է 9 և տուժել 92 մարդ: Այդ մասին ասվում է ՀՀ ԱԻՆ ՓԾ ճգնաժամային կառավարման ազգային կենտրոնի շաբաթվա ամփոփագրում:
Վերոնշյալ ժամանակահատվածում ՀՀ ԱԻՆ ՓԾ-ն գրանցել է 303 դեպք, որից 158-ը՝ արտակարգ: Նշված ժամանակահատվածում արձանագրվել է 116 կենցաղային կանչ, 53 հրդեհ, իսկ փրկարարական օպերատիվ գործողությունների արդյունքում՝ փրկվել 3 քաղաքացի:
Եղանակային պայմանների հետ կապված գրանցվել է տրանսպորտային միջոցների արգելափակման 10 դեպք: Փրկարարներն օգնություն են ցուցաբերել 7 քաղաքացու և անվտանգ տարածք տեղափոխել ավտոճանապարհներին արգելափակված 10 տրանսպորտային միջոց:
Շաբաթվա նթացքում արձանագրվել է նաև թունավորման 15 դեպք, որի հետևանքով տուժել է 29 քաղաքացի:
ՀՀ ԱԻ նախարարությունը հորդորում է թե՛ կենցաղում, թե՛ ճանապարհներին լինել հնարավորինս զգոն և պահպանել անվտանգության տարրական կանոնները: