Հայաստանը ՀԱՊԿ անդամ է և չի ձգտում ՆԱՏՕ, սակայն հարաբերություններն այդ դաշինքի հետ կպահպանի: Այդ մասին հայտարարել է ՀՀ վարչապետի պաշտոնակատար Նիկոլ Փաշինյանը:
«Մենք հարաբերություններ ունենք ՆԱՏՕ-ի հետ, խաղաղապահ առաքելությունների հետ կապված, այդ թվում Կոսովոյում, Աֆղանստանում, և մենք կշարունակենք այդ գործակցությունը: Սակայն մենք չենք ձգտում ՆԱՏՕ»,-ասել է նա:
«Մենք ՀԱՊԿ անդամ ենք»,-հիշեցրել է Փաշինյանը, հայտնում է ՏԱՍՍ-ը:
Փաշինյանը հավելել է, որ ՀՀ-ն գործընկերային հարաբերություններ ունի և ՌԴ-ի, և ԵՄ հետ, սակայն ոչ մեկի ազդեցության տակ չի լինելու:
«Մենք գործընկեր ենք և ՌԴ-ի, և ԵՄ հետ, բայց ոչ ոքի ազդեցության տակ չենք»,-ասել է նա՝ պատասխանելով երկրի արտաքին քաղաքական ուղենիշների մասին հարցին: