Սցենարներին նվիրված Shore Scripts կայքի հեղինակները հրապարակել են 50 հայտնի սերիալների օրիգինալ սցենարները, որոնք այժմ հասանելի են բոլորին:
Ցանկը բաղկացած է հետևյալ բաժիններից՝ դրամա, կատակերգություն, արկածներ/էքշըն, թրիլլեր և սարսափ: Յուրաքանչյուր անվանակարգում ներկայացված է 10 սերիալ, այդ թվում «Թվին Փիքսը», «Շատ տարօրինակ գործեր», «Ֆարգո», «Գահերի խաղը», «Ընկերները» և այլն, գրում է Bird in Flight-ը:
Հեղինակները պնդում են, որ սերիալների պիլոտային թողարկումների սցենարների ընթերցումը հեռուստատեսության համար գրել սովորելու լավագույն միջոցն է: Գլխավորը, ինչ կարելի է սովորել այդ սցենարներից, դա ինտրիգի ստեղծումն է, որը կստիպի հեռուստադիտողին հետաքրքրությամբ սպասել, թե ինչ է լինելու հաջորդ սերիայում:
Ավելի վաղ Shore Scripts կայքի հեղինակները հրապարակել էին 45 հայտնի ֆիլմի սցենար՝ դասականից մինչև ժամանակակից բլոկբասթերներ: