Ազգային ժողովում 11 մշտական հանձնաժողով ստեղծելու մասին որոշման նախագիծն ընդունվել է: Հանձնաժողովների քանակը 6-րդ գումարման ԱԺ համեմատ ավելացել է 2-ով:
Նորաստեղծ Տարածաշրջանային ինտեգրման հարցերի մշտական հանձնաժողովը կկոչվի Տարածաշրջանային և եվրասիական ինտեգրման հարցերի մշտական հանձնաժողով: Իսկ Տարածքային կառավարման և տեղական ինքնակառավարման, գյուղատնտեսության և բնապահպանության հարցերի մշտական հանձնաժողովը կկոչվի Տարածքային կառավարման, գյուղատնտեսության, շրջակա միջավայրի և կայուն զարգացման հարցերի մշտական հանձնաժողով:
Ազգային ժողովի մշտական հանձնաժողովներն են՝
Առողջապահության և սոցիալական հարցերի մշտական հանձնաժողով, որը կունենա 12 անդամ
Արտաքին հարաբերությունների մշտական հանձնաժողով՝ 14 անդամ
Գիտության, կրթության, մշակույթի, երիտասարդության և սպորտի հարցերի մշտական հանձնաժողով՝ 12 անդամ
Եվրոպական ինտեգրման հարցերի մշտական հանձնաժողով՝ 10 անդամ
Մարդու իրավունքների և հանրային հարցերի մշտական հանձնաժողով՝ 10 անդամ
Պաշտպանության և անվտանգության հարցերի մշտական հանձնաժողով՝ 11 անդամ
Պետա-իրավական հարցերի հանձնաժողով 15 անդամ
Տարածաշրջանային ինտեգրման հարցերի մշտական հանձնաժողով, որտեղ նախատեսվում է ունենալ 11 անդամ
Տարածքային կառավարման, գյուղատնտեսության և բնապահպանության հարցերի մշտական հանձնաժողով՝ 12 անդամ
Տնտեսական հարցերի մշտական հանձնաժողով՝ 15 անդամ
Ֆինանսավարկային և բյուջետային հարցերի մշտական հանձնաժողով՝ 10 անդամով:
