ՀՀ նախագահ Արմեն Սարգսյանը, ՀՀ վարչապետ Նիկոլ Փաշինյանի առաջարկությամբ, Մհեր Գրիգորյանին ՀՀ փոխվարչապետի պաշտոնում վերանշանակելու մասին հրամանագիր է ստորագրել:
Այս մասին հայտնում է ՀՀ նախագահի աշխատակազմի հասարակայնության և տեղեկատվության միջոցների հետ կապերի վարչությունը:
«Համաձայն Սահմանադրության 150-րդ հոդվածի՝ Մհեր Գրիգորյանին նշանակել փոխվարչապետ», - մասնավորապես ասվում է հրամանագրում:
Նախագահի մեկ այլ հրամանագրով, Տիգրան Ավինյանը նույնպես վերանշանակվել է ՀՀ փոխվարչապետի պաշտոնում:
Համաձայն գործադիրի կառուցվածքը փոխելու մասին նախագծի՝ ՀՀ նոր կառավարությունը չի ունենա առաջին փոխվարչապետ: