Հայաստանի Հանրապետության առողջապահության նախարար Արսեն Թորոսյանը փետրվարի 15-ին հյուրընկալվել է Պոլսո Հայոց Պատրիարքարանում, հանդիպել հայ համայնքի հետ։ Իր ֆեյսբուքյան էջում Թորոսյանը տեսանյութ է հրապարակել հանդիպումից։
Նախարարը կարևորել Թուրքիայի հայ համայնքի դերը Սփյուռքի կյանքում։
«Այստեղի հայ համայնքը մի փոքր ավելի անջատված է Հայաստանից: Մեզ համար շատ կարևոր է, որ փոխվի այն մտածողությունը, թե Հայաստանը թույլ է և դրամի կարիք ունի: Կարիք ունի զարգանալու և հարստացնելու այն մարդկանց, ովքեր կուզեն զարգացնել այն: Մենք այլևս խեղճ չենք, թույլ չենք, մենք կարիք ունենք զարգանալու Հայաստանում և Հայաստանից դուրս ապրող հայերի շնորհիվ»,- ասել է Թորոսյանը:
Նախարարը Պոլսում էր աշխատանքային այցով։