Mobile World Congress 2019 միջազգային ցուցահանդեսի ժյուրին ընտրել է 2018-ի լավագույն սմարթֆոնը:
Փորձագետները «սմարթֆոններ» անվանակարգում լավագույնն են համարել չինական Huawei ընկերության Mate 20 Pro սմարթֆոնը, որն առաջ է անցել iPhone XS Max-ից, Google Pixel 3-ից, OnePlus 6T-ից և Samsung Galaxy Note 9-ից, գրում է Lenta.ru-ն:
2018-ին ժյուրին նախապատվությունը տվել էր Apple ընկերության iPhone X-ին:
19-րդ միջազգային ցուցահանդեսն ընթանում է Բարսելոնայում, այն մեկնարկել է փետրվարի 25-ին: Փետրվարի 28-ը ցուցահանդեսի վերջին օրն է:
Mate 20 Pro սմարթֆոնը ներկայացվել է 2018-ի հոկտեմբերին: Հեռախոսի գլխավոր առանձնահատկությունն է եռակի տեսախցիկը, որի հիմնական մոդուլը 40 մեգապիքսել թողունակություն ունի: Սարքն ունի նաև մատնահետքի սկանավորման հնարավորություն անմիջապես էկրանին: