«Զվարթնոց» միջազգային օդանավակայանի և ուկրաինական SkyUp ընկերության միջև պայմանավորվածություն է ձեռք բերվել նոր` Օդեսա-Երևան չվերթների մեկնարկի վերաբերյալ: Այդ մասին ասվում է «Զվարթնոց» օդանավակայանի ֆեյսբուքյան էջում:
«Սա SkyUp ընկերության արդեն երկրորդ ուղղությունն է դեպի Հայաստան, որի մասին տեղեկացրել էինք նախորդ շաբաթ»,-ասվում է գրառման մեջ:
Ավելի վաղ « Զվարթնոցը» տեղեկացրել էր, որ մայիսի 17-ից SkyUp լոուքոսթերը կանոնավոր չվերթներ կիրականացնի Կիև-Երևան ուղղությամբ:
Ավիատոմսերի նվազագույն արժեքն առաց ուղեբեռի Օդեսայից կլինի մոտ 30,000 դրամ: Երևանից թռչելիս՝ 45,000-47,000 դրամ, 7 կգ ձեռքի բեռով:
Ավելի վաղ հայտարարվել էր, որ ուկրաինական YanAir Airlines ավիաընկերությունը թռիչքներ կիրականացնի Օդեսայից Երևան: Օդեսա-Երևան-Օդեսա չվերթը կգործարկվի 2019-ի մայիսի 20-ից, ասվում է ավիաընկերության ֆեյսբուքյան էջում: