Երևանի 2019 թվականի բյուջեն 10 մլրդ դրամով կավելանա, հայտնում է քաղաքապետարանի տեղեկատվության և հասարակայնության հետ կապերի վարչությունը:
Ընթացիկ տարվա համայնքային ընդհանուր բյուջեն կազմում է 31 մլրդ դրամ:
Ֆինանսական փաստաթուղթը լրամշակվել է և շուտով կքննարկվի Ավագանու արտահերթ նիստում:
Միջոցներն ուղղվելու են մանկապարտեզների աշխատակիցների աշխատավարձի ավելացմանը 20%-ով, 1000 երեխայի համար նոր խմբերի բացմանը, ստորգետնյա հետիոտնային անցումների վերանորոգմանը, 10 հեկտարով անտառապատ տարածքների ավելացմանը, ոռոգման ցանցի անցկացմանը, Երևանի գլխավոր հատակագծի մշակմանը, ճարտարապետական նշանակության շենքերի ճակատների վերականգնմանը, մետրոյի և ճոպանուղու նախագծային աշխատանքներին, վերելակների սպասարկման համար ծախսերի ավելացմանը:
Նախատեսվում է նաև այդ միջոցներով երրորդ կարգի վթարային շենքերի ամրացում, աղբավայրի տարածքի ցանկապատում, նորագույն բուժսարքավորումների ձեռքբերում, թատրոնների հիմնանորոգում, մարզադպրոցների հիմնանորոգում: