Ապրիլի 18-ի նիստում կառավարությունը մոտ 124 մլն դրամ է հատկացրել «Քաղաքացու օրը» նշելու միջոցառումներին։
Որոշման նախագծի համաձայն, գումարը կուղղվի Հայաստանի բոլոր մարզերում և Երևանում «Քաղաքացու օրվան» նվիրված միջոցառումներ պատշաճ անցկացման համար։
Գումարը կտրամադրվի վարչապետի աշխատակազմին՝ պահուստային ֆոնդից։
«Քաղաքացու օրը» նշվելու է ամեն ապրիլի վերջին շաբաթ օրը՝ բացի այն դեպքերից, երբ այն համընկնի ապրիլի 24-ի հետ։ Այն նվիրված է լինելու 2018-ի ապրիլ-մայիսին «Թավշյա հեղափոխությանը»։