Instagram-ը կարող է թաքցնել գրառումների like-երի քանակը
Instagram սոցցանցը գրառումների տակ հավանությունների քանակը քողարկող դիզայն է թեստավորում: Նոր գործառույթի մասին իր Twitter-ում է գրել բջջային հավելվածների փորձագետ Ջեյն Մանչուն Վոնգը: Նա ցուցադրել է համապատասխան սքրինշոթները:
«Մենք ուզում ենք, որ ձեր բաժանորդները կենտրոնանան այն բանի վրա, թե ինչ եք գրել, ոչ թե մտածեն, թե քանի լայք են ստանում ձեր գրառումները»,-պարզաբանել է նա:
Պարբերականը նշում է, որ լայքերի բացակայությունը գրառման տակ կարող է նվազեցնել «մրցակցության զգացողությունն» Instagram-ում, քանի որ օգտատերերը կդադարեն համեմատել սեփական ցուցանիշներն ավելի մեծ ժողովրդականություն վայելող ընկերների կամ աստղերի ցուցանիշների հետ:
