ՀՀ վարչապետ Նիկոլ Փաշինյանը ֆեյսբուքյան ուղիղ եթերում հայտարարել է, որ երթևեկության կանոնների պահպանության բալային համակարգի ներդման մասին օրենսդրական նախաձեռնությունը առաջիկա մեկ ամսում կուղարկվի խորհրդարան։

«Բալային համակարգի հետ կապված աշխատանքն ընթանում է, և ինձ տրված տեղեկանքով՝ առաջիկա մեկ ամսվա ընթացքում արդեն փաթեթը կուղարկվի Ազգային ժողով»,- ասել է Փաշինյանը:

Ավելի վաղ ՀՀ ոստիկանությունը շրջանառության մեջ է դրել վարորդական իրավունքի բալային համակարգ ներդնելու մասին նախագիծ, որը թույլ կտա զրկել կարգազանց վարորդներին մեքենա վարելու իրավունքից։