ՀՀ նախագահ Արմեն Սարգսյանը ցավակցական հեռագիր է հղել Շրի Լանկայի Ժողովրդավարական Սոցիալիստական Հանրապետության նախագահ Մաիտրիպալա Սիրիսենային այդ երկրում տեղի ունեցած ահաբեկչական գործողությունների կապակցությամբ, որը հարյուրավոր անմեղ զոհերի և վիրավորների պատճառ է դարձել:
ՀՀ նախագահի աշխատակազմի հասարակայնության հետ կապերի վարչության փոխանցմամբ, Արմեն Սարգսյանը զոհվածների հարազատներին ու մերձավորներին մաղթել է տոկունություն և ոգու արիություն, իսկ տուժածներին` շուտափույթ ապաքինում:
Ընթերցեք նաև՝ Փաշինյանը ցավակցել է Շրի Լանկայի նախագահին։
Շրի Լանկայում տեղի ունեցած 8 պայթյունի հետևանքով զոհերի թիվը հասել է 215-ի: Զոհերի թվում կա 35 օտարերկրացի։ 7 կասկածյալ ձերբակալվել է: