ՀՀ արտաքին գործերի նախարար Զոհրաբ Մնացականյանը ԱԺ-ում 2018 թվականի բյուջեի կատարողականի հաշվետվության ժամանակ ասել է, որ 2019 թվականին Եվրոպական միության կողմից ՀՀ-ին որպես աջակցություն կտարամադրվի €65 մլն:

Մնացականյանը հայտնել է, որ ընթացիկ տարում նախորդ տարվա համեմատ ԵՄ կողմից տրամադրվող աջակցության ծավալն աճել է։

«2019-ի համար ԵՄ աջակցության ծավալը նախատեսված է €40 մլն-ի չափով։ Նախատեսված է նաև լրացուցիչ €25 մլն-ի չափով ֆոնդ, այսինքն՝ ընդհանուր առմամբ մոտ €65 մլն-ի չափով աջակցություն ենք ունենալու ԵՄ կողմից», - ասել է ԱԳ նախարարը։