Հոնկոնգում հարյուր հազարավոր մարդիկ են դուրս եկել բողոքի ցույցի՝ մայրցամաքային Չինաստան արտահանձնման մասին օրենսնդրության մեջ ակնկալվող փփոխությունների պատճառով: Չինական պետական ԶԼՄ-ները մեղքը բարդել են «արտաքին ուժերի» վրա, որոնք փորձում են «վնասել Չինաստանին»:

Հունիսի 9-ին տեղի ունեցած բողոքի ցույցերն ամենազանգվածայինն էին 1997-ից ի վեր, երբ Բրիտանիան վերադարձրեց քաղաքը Չինաստանին: Կազմակերպիչները մասնակիցների քանակը գնահատել են մոտ 1 մլն, իսկ ոստիկանությունը՝ 240,000, հայտնում է BBC-ին:

Բողոքի համար առիթ է հանդիսացել օրենսդրության սպասվող փոփոխությունը, որով կանոնակարգվում է հանցագործության մեջ մեղադրվող մարդկանց արտահանձնումն այլ երկրների իշխանություննրին: Եթե փոխոփությունն ընդունվի, քաղաքի բնակիչներին կկարողանան արտահանձնել նույնիսկ այն երկրներ, որոնց հետ Հոնկոնգը նման պայմանագիր չունի, այդ թվում՝ Թայվան, Մակաո և մայրցամաքային Չինաստան:

Փոփոխության ընդդիմադիրները կարծում են, որ այն Հոնկոնգի ինքնավարության մի մասը կխլի և մտավախություն ունեն, որ չինական դատական համակարգում արտահանձնվողների իրավունքները պաշտպանված չեն լինի: Ըստ գործող օրենսդրության կասկածյալներին Հոնկոնգից մայրցամաքային Չինաստան չեն արտահանձնում:

Հոնկոնգի խորհրդարանը կքննարկի փոփոխությունները հունիսի 12-ին: