Թուրքմենստանում, Աֆղանստանում, Տաջիկստանում ՀՀ արտակարգ և լիազոր դեսպան Գառնիկ Բադալյանը հանկարծամահ է եղել: Այս մասին տեղեկացնում է ԱԳՆ ֆեյսբուքյան էջը:
Գառնիկ Բադալյանը ծնվել է 1958-ին Ադրբեջանի ՍՍՀ Դաշքեսանի շրջանի Բանանց գյուղում: Սովորել է ԵՊՀ արևելագիտության ֆակուլտետի իրանական բանասիրության բաժնում:
Եղել է ԱԳՆ Մերձավոր և Միջին Արևելքի վարչության խորհրդական, ԻԻՀ-ում ՀՀ դեսպանության խորհրդական, հայ-իրանական կապերի կոորդինացման միջկառավարական հանձնաժողովի պատասխանատու քարտուղար:
Դիվանագիտական աստիճանն է ՀՀ արտակարգ դեսպանորդ և լիազոր դեսպան:
ՀՀ նախագահի 2018-ի նոյեմբերի 19-ի հրամանագրով նշանակվել էր Թուրքմենստանում Հայաստանի Հանրապետության արտակարգ և լիազոր դեսպան: