14 հունիսի 2019 - 14:31 AMT
ՀՀ ֆուտբոլի հավաքականը 9 կետով առաջադիմել է ՖԻՖԱ-ի վարկանիշում

Հայաստանի ֆուտբոլի ազգային հավաքականը 9 կետով առաջադիմել է ՖԻՖԱ-ի դասակարգման նոր աղյուսակում՝ զբաղեցնելով 97-րդ տեղը:

Ապրիլին Հայաստանի հավաքականը 106-րդն էր:

Հունիսի 8-ին Հայաստանի ազգային հավաքականը հաղթել է Լիխտենշտեյնին 3:0 հաշվով, իսկ հունիսի 11-ին՝ Հունաստանին 2:3 հաշվով, Եվրոպայի առաջնության ընտրական փուլում:

Վարկանիշը գլխավորում է Բելգիան, որին հաջորդում են Ֆրանսիան և Բրազիլիան: