ՀՀ վերաքննիչ քրեական դատարանի դատավոր Արմեն Դանիելյանը որոշմամբ Մարտի 1-ի գործով մեղադրյալ ՀՀ երկրորդ նախագահ Ռոբերտ Քոչարյանը կկալանավորվի:
Դատավորը որոշել է բեկանել ՀՀ ընդհանուր իրավասության առաջին ատյանի դատարանի որոշումը կասեցնել Մարտի 1-ի գործը և ուղարկել այն Սահմանադրական դատարան:
Ավելի վաղ Դատախազությունն ու տուժող կողմը բողոքներ էր ներկայացրել Քոչարյանի խափանման միջոց կալանավորումը Արցախի նախկին և ներկա նախագահների անձնական երաշխավորությամբ փոխելու առաջին ատյանի դատարանի որոշումների դեմ: Նրանք դատարանից խնդրել էին ամբողջությամբ բեկանել առաջին ատյանի դատարանի որոշումը և մեղադրյալ Քոչարյանի նկատմամբ որպես խափանման միջոց ընտրել կալանավորումը:
Քոչարյանի կալանքը անձնական երաշխավորությամբ փոխվել էր մայիսի 18-ին դատավոր Դավիթ Գրիգորյանի որոշմամբ:
