ԱՄՆ խոշոր տեխնոլոգիական ընկերությունները շարունակում են իրենց արտադրանքն առաքել չինական Huawei-ին, որին Վաշինգտոնը սև ցուցակում է ընդգրկել:

Մասնավորապես, Intel-ը և Micron Technology-ին պրոցեսորներ են մատակարարում Huawei-ին, գրում է Deutsche Welle-ն The New York Times-ի վրա հղումով:

Նշվում է, որ խոսքը կարող է գնալ ԱՄՆ սահմաններից դուրս արտադրվող արտադրանքի մասին: Ընկերություններն օգտվել են այն հանգամանքից, որ նման ապրանքները միշտ չէ, որ ամերիկյան են համարվում: Ուստի ԱՄՆ նախագահ Թրամփի արգելքը ձևական առումով իրենց վրա չի տարածվում:

Ըստ գործող արգելքի ամերիկյան ընկերությունները կարող են Huawei-ին մինչև օգոստոսի կեսը վաճառել առկա մոդելների բաղադրիչ մասերը, իսկ ապագա մոդելների համար ապրանքների առաքման արգելքն արդեն գործում է: Intel-ը և Micron Technology-ին հրաժարվել են մեկնաբանություններից:

Մինչդեռ FedEx առաքման ծառայությունը դատի է տվել ԱՄՆ առևտրի նախարարությանը, որը Huawei-ն ընդգրկել է սև ցուցակում: