«Նարկոլոգիական հանրապետական կենտրոն» ՓԲԸ-ի տնօրեն Պետրոս Սեմերջյանը լրագրողների հետ զրույցում նշել է, որ ՀՀ առողջապահության նախարարությունը սկզբունքորեն դեմ է մարիխուանայի ազատականացմանը և օրինականացմանը։
«Կախված է նրանից, թե երկիրն ինչպես է ազատականացումն ու օրինականացումն ընկալում։ Տարբեր երկրներ, որոնք օրինականացրել են, նաև մտցրել են որոշակի սահմանափակումներ։ Օրինակ սահմանափակում՝ հանրային վայրերում օգտագործելու հետ կապված կամ տարիքային սահմանափակում»,- նշել է Սեմերջյանը, հայտնել է Factor.am-ը։
Հայաստանի Հանրապետությունում 2019 թվականի հունվարի 1-ի դրությամբ 2018-ի նույն ժամանակահատվածի համեմատ թմրամոլների թիվն աճել է 6%-ով:
ՀՀ առողջապահության նախարարության տեղեկատվության և հասարակայնության հետ կապերի վարչության փոխանցմամբ, ընթացիկ տարում հաշվառված թմրամոլների թիվը կազմել է 6951: