2018 թվականին Հայաստանում մոտ 100 հյուրանոց է բացվել: ՀՀ ազգային վիճակագրական ծառայության տվյալների համաձայն՝ եթե 2017-ին երկրում հյուրանոցների թիվը կազմել է 556, ապա նախորդ տարում այն հասել է 652-ի:
Հանրապետությունում հյուրանոցային համարների քանակը 9521-ից հասել է 10,274-ի: Միայն Երևանում բացվել է 70 հյուրանոց. մայրաքաղաքում 2018-ին, ընդհանուր առմամբ, գործել է 390 հյուրանոց:
Հյուրանոցային տնտեսության օբյեկտների աշխատողների տարեկան միջին ցուցակային թվաքանակը 4093-ից հասել է 4748-ի, իսկ հասույթը՝ 28.427 մլրդ դրամից 34.497 մլրդ դրամի: