Նունու Գոմեշը 2-օրյա այցով ՀՀ-ում է. Նա այցելել է Ծիծեռնակաբերդ
Երկօրյա այցով Հայաստանում է Պորտուգալիայի ազգային հավաքականի նախկին ֆուտբոլիստ, Եվրո-2020-ի ՈւԵՖԱ-ի դեսպան Նունու Գոմեշը:
Նա այցելել է Ծիծեռնակաբերդ, ծաղիկներ խոնարհել Հայոց ցեղասպանության զոհերի հիշատակը հավերժացնող հուշակոթողին:
Գոմեշը հետևելու է այս օրերին Երևանում ընթացող Եվրոպայի ֆուտբոլի Մ19 տարեկանների առաջնությանը:
«Ես առաջին անգամը չէ, որ Հայաստանում եմ: Այստեղ եմ եկել նաև տարիներ առաջ ազգային թիմի հետ»,- «Երկիր Մեդիայի» փոխանցմամբ. ասել է պորտուգալացի ֆուտբոլիստը:
