Փաշինյանն ուկրաիներենով շնորհավորել է Զելենսկուն Ռադայի ընտրություններում հաղթանակի առթիվ
ՀՀ վարչապետ Նիկոլ Փաշինյանը շնորհավորել է Ուկրաինայի նախագահ Վլադիմիր Զելենսկուն և նրա կուսակցությանը՝ Ուկրաինայի Ռադայի արտահերթ ընտրություններում հաղթանակի կապակցությամբ։
Փաշինյանը շնորհավորանքը հրապարակել է թվիթերյան իր միկրոբլոգում՝ ուկրաիներեն։
«Շնորհավորում եմ Ուկրաինայի նախագահ Վլադիմիր Զելենսկուն և «Ժողովրդի ծառա» կուսակցությանը՝ Ուկրաինայի խորհրդարանի ընտրություններում հաղթանակի կապակցությամբ։ Վստահ եմ, որ նոր խորհրդարանն ու կառավարություն կշարունակեն բարեփոխումների ճանապարհն էլ ավելի մեծ ջանքերով և հայ-ուկրաինական համագործակցության նոր հնարավորություններով»,- գրել է վարչապետը։
Ուկրաինայի Ռադայի ընտրություններն անցկացվել են հուլիսի 21-ին:
