ՀՀ-ում 2019 թվականին 2018 թվականի համեմատ հրդեհների թիվն ավելի քան կրկնապատկվել է։ Այս մասին հայտնել է ՀՀ արտակարգ իրավիճակների նախարարությունը։
Եթե 2018-ի առաջին կիսամյակում հրդեհների 1702 դեպք է գրանցվել, ապա ընթացիկ տարվա առաջին կիսամյակում 3554 հրդեհ է եղել։
Արդեն 2-րդ ամիսն է, որ Հայաստան ներթափանցած ջերմային ալիքները ստեղծում են հրդեհավտանգ իրավիճակ հանրապետության բուսածածկ տարածքներում: Այս տարվա ընթացքում հրդեհների թիվը բավականին աճել է հատկապես խոտածածկ տարածքներում: