ՀՀ վարչապետ Նիկոլ Փաշինյանի հետ աշխատանքային հանդիպման ընթացքում ՀՀ կրթության, գիտության, մշակույթի և սպորտի նախարար Արայիկ Հարությունյանը տեղեկացրել է` որոշման նոր նախագիծ է մշակել, ըստ որի դպրոցները կֆինանսավորվեն նոր բանաձևով. կսահմանվի ուսուցչի նվազագույն՝ 108,000 դրամ աշխատավարձ:

«Բանաձև է մշակվում, ըստ որի՝ հաջորդ տարի, հունվարի 1-ից, դպրոցներում ուսուցիչների նվազագույն աշխատավարձի շեմը 108,000 դրամից պակաս չի լինելու և գումարների տրամադրումը դպրոցներին ոչ թե աշակերտների թվով է պայմանավորված լինելու, այլ ավելի արդար բաժանում է լինելու դպրոցների միջև»,- նշել է նախարարը:

Ավելի վաղ ՀՀ կառավարությունը հայտնել է, որ սեպտեմբերի 1-ից 10%-ով կբարձրանան ուսուցիչների աշխատավարձերը: