«Գազելի» վարորդը խնդրել է ուղևորին ոտքը դնել արգելակին ու խանութ գնացել (ֆոտո)
Երևանի ուղևորատար «Գազել» մեքենաներից մեկի վարորդը խնդրել է կողքը նստած ուղևորին ոտքը պահել արգելակին, իսկ ինքը գնացել սնունդ գնելու։
Ինչպես հայտնում է Shantnews.am-ը, այս մասին պատմել է իրանագետ Գոհար Իսկանդարյանը ֆեյսբուքյան իր էջում։
«Ինձ թվում է՝ միայն Հայաստանում կարող է գազելի վարորդը խնդրել ուղևորին, ոտքը դնել արգելակին, մինչ ինքը խանութից մի բուլկի կգնի….ուզում եմ դա պատկերացնել Վիեննայում, Փարիզում, լավ հա Մոսկվայում… մի տեսակ չի ստացվում»,- գրել է նա՝ հրապարակելով ոտքը արգելակին պահած ուղևորի լուսանկարը։
