ՀՀ ԱԳՆ-ն գործադրում է բոլոր ջանքերը զինծառայող Արայիկ Ղազարյանին Ադրբեջանից Հայաստան վերադարձնելու նպատակով։
Այս մասին «Սպուտնիկ-Արմենիա» ռ/կ հաղորդմամբ, հայտարարել է ԱԳ փոխնախարար Արտակ Ապիտոնյանը ԱԺ-ում։
Նա նշել է, որ բանակցությունները գնում են թե ԵԱՀԿ Մինսկի խմբի շրջանակներում, թե Կարմիր խաչի միջնորդությամբ։
«Հաշվի առնելով հարցի գաղտնիությունը, այլ մանրամասներ հայտնել չեմ կարող», - ասել է դիվանագետը։
ՊԲ զինծառայող, 2000թ. ծնված Արայիկ Հայկի Ղազարյանը լքել է մարտական դիրքը օգոստոսի 12-ին՝ ժամը 12:00-ի սահմաններում, դեռևս չպարզված հանգամանքերում։ Ադրբեջանին ՊՆ-ն հայտարարում է, որ Ղազարյանը կամավոր հատել է սահմանը, հայկական կողմը պնդում է, որ նա կարող էր մոլորվել։