Հոկտեմբերի 14-ին և 15-ին տարածաշրջանային այցով Հայաստանում են գտնվելու ԵԱՀԿ Մինսկի խմբի համանախագահները:
Այս մասին լրագրողների հետ ճեպազրույցի ընթացքում ասել է արտաքին գործերի նախարարության մամուլի խոսնակ Աննա Նաղդալյանը։
«ԵԱՀԿ Մինսկի խմբի համանախագահները Հայաստանից հետո մեկնելու են Արցախ», - տեղեկացրել է Աննա Նաղդալյանը։
Սեպտեմբերի 23-ին ՀՀ ԱԳՆ ղեկավար Զոհրաբ Մնացականյանը Նյու Յորքում հանդիպել էր ԵԱՀԿ Մինսկի խմբի համանախագահների և Ադրբեջանի ԱԳ նախարար Էլմար Մամեդյարովի հետ: Հենց այդ ժամանակ էլ կողմերը նախանշել էին տարածաշրջան այցը: