ՀՀ աշխատանքի և սոցիալական հարցերի նախարարությունը բնակարանի գնման վկայագրեր կտրամադրի մանկատան շուրջ 300 շրջանավարտների: Նախագիծը հավանության է արժանացել ՀՀ կառավարության կողմից, հայտնում են նախարարության մամուլի ծառայությունից՝ ընդգծելով, որ այդ մարդկանց նկատմամաբ պետությունն ունեցել է նման պարտավորություն՝ սկսած 2003-ից:
«Նախագծի համաձայն՝ իրավական, ֆինանսական և կազմակերպչական համապատասխան մեխանիզմների ներդրման միջոցով ՀՀ մանկատների 300 շրջանավարտների համար կստեղծվեն առավել բարենպաստ բնակարանային պայմաններ, կտրամադրվի հոգեբանական աջակցություն, որի համար, ըստ նախնական հաշվարկների, անհրաժեշտ է 1,9 մլն դրամ»,- նշվում է նախարարության հաղոդրագրության մեջ։
Ըստ նախագծի՝ մանկատան շրջանավարտներին բնակարանի գնման վկայագրեր կտրամադրվեն Հայաստանի Հանրապետության տարածքում 6.3 մլն դրամը չգերազանցող բնակարանների ձեռքբերման համար: Նշվում է նաև, որ ծրագրի շահառուները առաջնահերթության կարգով կընդգրկվեն զբաղվածության պետական ծրագրերում, քանի որ մանկատան շրջանավարտներն աշխատաշուկայում առավել խոցելի են համարվում՝ չունենալով համապատասխան կրթություն և հմտություններ:
