ՀՀ վարչապետ Նիկոլ Փաշինյանը զրուցել է ԿԳՄՍՆ ղեկավար Արայիկ Հարությունյանի հրաժարականը նախարարության մոտ պահանջող ՀՅԴ երիտասարդական թևը ներկայացնող ցուցարարներիհետ: Նա զրույցից ուղիղ եթեր է հրապարակել իր ֆեյսբուքյան էջում:
Ակցիայի մասնակիցները վանկարկել են «Արայիկ հեռացիր»։ Նրանք պահանջել են հեռացնել նախարարին պաշտոնից:
Փաշինյանը, դիմելով ակցիայի մասնակիցներին, ասել է, որ նրանց պահանջներից ու գնահատականներիցոչ մեկը չի կիսում:
«Որ թալանչի լիներ, ընդունելության քննություններին փող վերցներ, ոչ մեկ չէր բողոքի, չէ՞»,-ասել է Փաշինյանն ակցիայի մասնակիցներից մեկին:
Փաշինյանը կառավարությունից գնում էր ԱԳՆ՝ երիտասարդ դիվանագետների երդման արարողությանը և դիվանագիտական դպրոցի ստեղծման տասնամյակին նվիրված միջոցառմանը մասնակցելու։ ՀՅԴ Հայաստանի Երիտասարդական միության անդամները, որոնք պահանջում են նախարարի հրաժարականը, նոյեմբերի 7-ից անժամկետ նստացույց են անում ԿԳՄՍ նախարարության մոտ, որը նույն շենքում է գտնվում:
