Հայաստանի վարչապետ Նիկոլ Փաշինյանը ստորագրել է ՀՀ արդարադատության փոխնախարար Աննա Վարդապետյանի աշխատանքից ազատման հրամանը: Այս մասին հաղորդում է կառավարության կայքը:
Արդարադատության նախարարությունը պարզաբանում է տարածելԱննա Վարդապետյանին աշխատանքից ազատելու վերաբերյալ:
«Արդարադատության նախարարությունը բարձր է գնահատում տիկին Աննա Վարդապետյանի պրոֆեսիոնալիզմն ու ներդրումը՝ հատկապես Դատաիրավական բարեփոխումների ռազմավարության մշակման աշխատանքներում:
Խնդիրը բացառապես պայմանավորված է եղել կառուցվածքային հնարավոր փոփոխություններով, որոնք ուղղված են լինելու Նախարարության աշխատանքներն առավել արդյունավետ դարձնելուն»,-ասված է նախարարության պարզաբանման մեջ։
Աննա Վարդապետյանն արդարադատության նախարարի տեղակալի պաշտոնում էր նշանակվել 2019 թ. ապրիլի 4-ին: Մինչ այդ զբաղեցրել էր արդարադատության նախարարի խորհրդականի պաշտոնը: Վարդապետյանը նախկինում աշխատել է նաև որպես ՀՀ դատական դեպարտամենտի ղեկավարի առաջին տեղակալ,Դատարանների նախագահների խորհրդի քարտուղար:
