ՀՀ վարչապետ Նիկոլ Փաշինյանը, նոյեմբերի 19-ին պատասխանելով ռուսաստանցի լրագրողների հարցերին, անդրադարձել է նաև գազի գնի շուրջ ռուսական կողմի հետ բանակցություններին: Վարչապետը հայտարարել է, որ առնվազն մինչև գարուն գազի գինը չի բարձրանա:
Փաշինյանը ռուսաստանցի լրագրողներին ասել է, որ գազի գնի վերաբերյալ ՌԴ նախագահ Վլադիմիր Պուտինի հետ ընդհանուր զրույց է ունեցել, մանրամասների մասին չեն խոսել: «Հայաստանի համար գազի գինը պետք է լինի այնպիսին, որպեսզի չկոտրի տնտեսական դինամիկան»,-ասել է նա։
Փաշինյանը նաև հույս է հայտնել, որ կառուցողական երկխոսություն կծավալվի ռուսական կողմի հետ:
Ռուս լրագրողների հետ հանդիպումն ամբողջությամբ վարչապետը հրապարակել է իր ֆեյսբուքյան էջում: