Փաշինյանին հարց տվողն ադրբեջանցի ոստիկանների սպասարկուն է
Վարչապետ Նիկոլ Փաշինյանին Իտալիայի հայ համայնքի հետ հանդիպման ժամանակ հարց տված ադրբեջանցի «բլոգերը»՝ Աթա Աբդուլաևը, իրականում Ադրբեջանի ոստիկաններին սպասարկող անձ է:
Աբդուլաևը հայտնի է եղել նախկինում որպես ՆԳՆ հասարակական կարգի պահպանման բաժանմունքի բաժնի վարիչ, իսկ այժմ կատարում է Բաքվի Նասիմի շրջանի բաժնի պետի կարգադրությունները: Նա հայտնի է որպես սադրիչ:
Նոյեմբերի 20-ին վարչապետ Նիկոլ Փաշինյանի և Իտալիայում հայ համայնքի ներկայացուցիչների հետ հանդիպման ժամանակ հայկական եկեղեցի է մտել ադրբեջանցի բլոգեր ներկայացած Աթա Աբդուլաևը և դիմելով վարչապետին՝ խնդրել դադարեցնել պատերազմը։ «Ազատեք մեր հողը, որ ես կարողանամ տեսնել իմ Շուշին, իմ Խոջալուն»,-ասել էր Աբդուլաևը:
