7 դեկտեմբերի 2019 - 09:49 AMT
Հայաստանում հիշում են Սպիտակի ավերիչ երկրաշարժի զոհերին

Դեկտեմբերի 7-ին Հայաստանում հիշում են Սպիտակի ավերիչ երկրաշարժի զոհերին: 31 տարի առաջ այս օրը՝ ժամը 11:41-ին Հայաստանը մոտ 30 վայրկյան ցնցվեց: Էպիկենտրոնում երկրաշարժի ուժգնությունը Ռիխտերի սանդղակով 10 բալ էր:

Երկրաշարժի հետևանքով ավերվածություններ եղան Հայաստանի 21 քաղաքում և 324 գյուղում: Հիմնահատակ ավերվեցին Սպիտակ քաղաքն ու հարակից գյուղերը, քանդվեց Հայաստանի երկրորդ քաղաքի` Գյումրիի (Լենինական) շինությունների 80 տոկոսը, մեծ վնասներ կրեց Վանաձորը: Երկրաշարժն աղետալի եղավ երկրի տարածքի 40%-ում` Շիրակի, Լոռու, Արագածոտնի ու Տավուշի մարզերը:

Աղետը, պաշտոնական տվյալներով, 25,000 մարդու կյանք է խլել. Մահացել է 17,000 գյումրեցի, 4000 սպիտակցի, 1200 վանաձորցի, 500 ախուրյանցի ու 125 ստեփանավանցի, 100,000-ը ստացել է մարմնական տարբեր աստիճանի վնասվածքներ, 19,000 մարդ դարձել է հաշմանդամ, մոտ 530,000 մարդ դարձել է անօթևան:

Աղետի գոտուց 120,000 մարդ տարհանվել է, որոնցից 75,000՝ Հայաստանից դուրս: ՀՀ-ին օգնություն ցուցաբերեց ամբողջ Խորհրդային Միությունն ու աշխարհը։ 30 տարի անց էլ երկրաշարժի հետքևանքները վերացված չեն։

Երկրաշարժի հետևանքները դեռ լիովին վերացված չեն։ Հայաստանի 2020-ի բյուջեով 3 միլիարդ դրամ կհատկացվի աղետի գոտում երկրաշարժից տուժածներին բնակարան տրամադրելու համար։