Վարչապետ Նիկոլ Փաշինյանի գլխավորությամբ ՀՀ բարձրաստիճան պաշտոնյաները հունվարի 13-ի առավոտյան այցելել են Ծիծեռնակաբերդ՝ հարգանքի տուրք մատուցելու Բաքվի ջարդերի զոհերի հիշատակին։
1990 թվականի իրադարձությունների զոհերի հիշատակը հարգել են նաև Ամենայն հայոց կաթողիկոս Գարեգին Բ-ն, ԱԺ նախագահ Արարատ Միրզոյանը, Անվտանգության խորհրդի քարտուղար Արմեն Գրիգորյանը և բարձրաստիճան այլ պաշտոնյաներ:
30 տարի առաջ՝ 1990-ի հունվարի 13-ին, Ադրբեջանի մայրաքաղաք Բաքվում սկսվեցին բնիկ հայ բնակչության զանգվածային ջարդերը։ Ոչ պաշտոնական տվյալներով՝ դրանց ընթացքում սպանվել է մոտ 400 հայ, ԽՍՀՄ իշխանություն, սակայն, միայն 25 զոհի մասին տվյալներ էր հրապարակել: