Ռուսաստանի Դաշնության կառավարությունը հրաժարական է տվել։
Այս մասին է հայտնել ՏԱՍՍ-ը՝ հղում անելով երկրի վարչապետ Դմիտրի Մեդվեդևին։
ՌԴ նախագահ Վլադիմիր Պուտինը հանձնարարել է գործադիրին շարունակել իրականացնել գործառույթները՝ մինչև նոր կառավարության ձևավորումը։
Պուտինը նաև հայտնել է Անվտանգության խորհրդի փոխղեկավարի պաշտոն ստեղծելու պլանների մասին՝ նշելով, որ այդ հաստիքն առաջարկել է զբաղեցնել Դմիտրի Մեդվեդևին:
Մեդվեդևը զբաղեցրել էր ՌԴ վարչապետի պաշտոնը 2012 թվականից, նախքան այդ 4 տարի ՌԴ նախագահ լինելով։
Ավելի վաղ ՌԴ նախագահն առաջարկել էր փոփոխություններ մտցնել երկրի Մայր օրենքում՝ մեծացնելով խորհրդարանի դերը։