ՀՀ պաշտպանության նախարարության ծառայողը, ՊՆ հաշվեկշռում հաշվառված մեքենայով վթարի է ենթարկել 11-ամյա երեխայի: Այս մասին PanARMENIAN.Net-ին ասաց ՊՆ մամուլի խոսնակ Արծրուն Հովհաննիսյանը:
Հունվարի 24-ին Shamshyan.com-ը տեղեկացրել էր, որ ՊՆ պետհամարանիշներով ԿամԱԶ-ի վարորդը Երևանի 142 դպրոցի մոտ վթարի էր ենթարկել 11-ամյա երեխայի, որը գիտակցության չգալով մահացել է «Սուրբ Աստվածամայր» ԲԿ-ում:
ՊՆ խոսնակ Արծրուն Հովհաննիսյանը նշեց, որ այս պահի դրության այլ մանրամասներ չի կարող տրամադրել:
«Սուրբ Աստվածամայր» բժշկական կենտրոնի հանրային կապերի բաժնի պատասխանատու Գևորգ Դերզյանը PanARMENIAN.Net-ին ասաց, որ դեպքի մասին կմանրամասնեն ավելի ուշ: