ՀՀ նախկին վարչապետ, Եվրասիական տնտեսական հանձնաժողովի (ԵՏՀ) կոլեգիայի պաշտոնաթող նախագահ Տիգրան Սարգսյանը նշանակվել է Եվրասիական զարգացման բանկի (ԵԱԶԲ) վարչության նախագահի տեղակալ։ Այդ մասին ասվում է բանկի կայքէջում։

ԵԱԶԲ-ն ստեղծել է Ռուսաստանի և Ղազախստանի նախագահների նախաձեռնությամբ 2006-ին: Այն տարածաշրջանային զարգացման բանկ է, որին ադամակցում են նաև Հայաստանը, Բելառուսը, Ղրղզստանը և Տաջիկստանը:

Բանկի նպատակն է խթանել անդամ երկրներում ներդրումային ակտիվությունը, զարգացնել շուկայական տնտեսությունը, խթանել տնտեսական աճը և լուծել այլ տնտեսական խնդիրներ: Բանկի բաժնեհավաք կապիտալը կազմում է $7 մլրդ:

Տիգրան Սարգսյանը 1998 - 2008 թվականներին զբաղեցրել է Հայաստանի կենտրոնական բանկի նախագահի պաշտոնը։ 2008 - 2014 թվականներին եղել է ՀՀ վարչապետը։ 2014 - 2016 թվականներին եղել է ԱՄՆ-ում ՀՀ արտակարգ և լիազոր դեսպանը։ 2016-2019-ին եղել է Եվրասիական տնտեսական հանձնաժողովի կոլեգիայի նախագահը։Համարվում է Հայաստանի բանկային համակարգի հիմնադիրների մեկը: