Ապրիլի 7-ի դրությամբ Ռուսաստանում կորոնավիրուսով վարակման 1154 նոր դեպք է գրանցվել, վարակվածների ընդհանուր թիվը հասել է 7449-ի։ Այդ մասին տեղեկացրել է կորոնավիրուսային վարակի դեմ պայքարի օպերատիվ շտաբը։
«Վերջին 24 ժամում ՌԴ-ում հաստատվել է COVID-19-ով վարակի 1154 նոր դեպք երկրի 43 շրջանում»,- ասվում է հաղորդագրության մեջ, գրում է ՌԻԱ Նովոստին։
Ընդհանուր առմամբ, կորոնավիրուսով վարակի դեպքեր են գրանցվել ՌԴ 81 շրջանում։
Աշխարհում կորոնավիրուսով վարակվել է ավելի քան 1,3 մլն մարդ, ապաքինվել է ավելի քան 278,000 հիվանդ, մահացել՝ 74,693-ը։