Պաշտպանության նախարարության զորակոչային և զորահավաքային համալրման ծառայության տարածքային ստորաբաժանումներում ամառային զորակոչին զուգահեռ՝ խիստ միջոցառումներ են իրականացվում համաճարակի տարածումը կանխելու ուղղությամբ, հայտնել է ՊՆ խոսնակ Շուշան Ստեփանյանը։
Նա նշել է, որ նորակոչիկները ներկայանում են փոքր խմբերով և պահպանվում են սահմանված բոլոր պայմանները։
Նշվում է, որ զորակոչի նախապատրաստական աշխատանքներն ընթանում են սահմանված կարգով։
Հիվանդության ախտանշաններ ունենալու դեպքում զորակոչիկն անմիջապես թեստավորման է ուղարկվում։
Ավելի վաղ կառավարության նիստում որոշվել էր, որ ամառային զորակոչը ՀՀ-ում կմեկնարկի մայիսի 1-ից և կշարունակվի մինչև օգոստոսի 30-ը։
Հայաստանում մայիսի 21-ի դրությամբ կորոնավիրուսով վարակի դեպքերը հասել են 5606-ի։ Կորոնավիրուսային հիվանդությամբ այս պահին փաստացի բուժում է ստանում 2928 պացիենտ: Վիրուսից մահացածների ընդհանուր թիվը 70 է, առողջացել է 2581 պացիենտ։