Հայաստանի և Ռուսաստանի հարաբերությունները դաշնակցային բնույթ են կրում, հայտարարել է ՌԴ արտգործնախարար Սերգեյ Լավրովը։
«Հարաբերությունները գնահատում ենք իբրև դաշնակցային, այդպիսին էլ դրանք իրականում կան։ Դա վերաբերում է ինչպես երկկողմ ֆորմատին, այնպես էլ ՀԱՊԿ-ի շրջանակում հարաբերություններին։ Ռազմական բավական սերտ փոխգործակցություն ունենք»,- ասել է Լավրովը, փոխանցում է Sputnik Armenia-ն։
Լավրովը նշել է, որ Հայաստանում գործում է ռուսական ռազմակայանը, որը նպաստում է «կայունության և անվտանգության ամրապնդմանը»։
Նախարարն ասել է, որ կարևոր է նաև ռազմատեխնիկական ոլորտը, որտեղ նույնպես սերտ և արդյունավետ աշխատանք է կազմակերպված։
«Դա մշտական, ամենօրյա պրոֆեսիոնալ աշխատանք է։ Այստեղ որևէ հարց չի ծագում»,- եզրափակել է նա։
Գյումրիում տեղակայված է ռուսական 102-րդ ռազմաբազան, ՌԴ-ն նաև համարվում է ՀՀ-ի սպառազինության և ռազմական տեխնիկայի հիմնական մատակարարները։