Հայաստանում հունիսի 29-ի դրությամբ կորոնավիրուսով վարակի դեպքերը հասել են 25,127-ի՝ նախորդ օրվա համեմատ ավելանալով 482-ով: Այդ մասին տեղեկացնում է ՀՀ ԱՆ Հիվանդությունների վերահսկման և կանխարգելման ազգային կենտրոնը։
Կիրակի օրերին սովորաբար ավելի քիչ թեստավորում է անցկացվում։
Մահվան ևս 11 դեպք է գրանցվել. 7-ը՝ կորոնավիրուսից, 4-ը՝ այլ պատճառով: Ընդհանուր առմամբ, կորոնավիրուսից մահվան 433 դեպք կա, այլ պատճառով՝ 143։
Ապաքինվել է ևս 181 մարդ։ Առողջացածների ընդհանուր թիվը 13,297 է։ Փաստացի բուժվողների թիվը 11,254 է։
Ընդհանուր առմամբ կատարվել է 110,571 թեստավորում։